للشاعر عمر نشاد

من اللى مارادك..........ياكل الجمال عطاك ربى زادك
يانور عينى



من مايهواك ومن مايتمنى يقضى العمر معاك
ماكيف البشر الكريم خلاك مواير حور العين عاطيك
متميز منفرد على كل من يلاك وبسحرك خليت الكل والع بيك
ياغاية كل عاشق ساعى برضاك ندعى ياريت قسمى يبقى فيك
ياجنة الدنيا انا راحتى معاك وين ترحل يكمل الليل ناجى فيك
نحبك ياحبيبى بالروح نفداك فى كل جزء من الثانية نبكيك
مقدر ماتعرف مقدار غلاك لوكان تعرف تقدر انى غاليك
امغير الحشم خلانى اوقات ننساك نسيان ظاهر الا القلب حاويك
مازلت نهواك ونموت بهواك ومازال يدودش فى العقل ماضيك
فى كل بنت صورتك نلقاك حتى وين تغفا عينى نلاقيك
محال داكرتى ياقديم تنساك مسرطن العقل ومادواء يداويك
وان جيت للعلم نوصفلك غلاك هيموجلوبين الدم متشبع بيك
سارى فيا مانقدر انعيش بلاك واربع ديار القلب هن بلادك


من اللى مارادك..............ياكل الجمال عطاك ربى زادك
يانور عينى

الذي كتب هنا مش بطال و الحلو فيه انك جامع المودرن و الايشنت (القديم و الحديث)معا .....حلو الهيموجلوبين و اربع غرف القلب .....تقبل مروري....