ماللى رادك

ماللى رادك........ياكل الجمال عطاك ربى زادك
يانور عينى
ياما وياما...................عطبنى غلاك ماكرهت اياما
مانزعل منك ولانحط ملاما..........حتى وانت غلاى بالجفا مكافيه
اللى مسرع ماجرين اسنين غراما......مازال وين يخطر للديار انجيه
خليت الفارس يرقن اعزاما.........ولاعاد حد ايهاب طاريه
خلانى اللى قسمن للغير اقساما.......جريح وكل من هلب ينهش فيه
خلانى كيف مايرجى نهار اعداما......محكوم بدنب ماهو اللى خاطيه
خلانى خطاه انحوس فى دواما.......صحيت على قولة الله يرزيه
كى مايخدم الشاهى فى لقاما........خدم غلاى وللياس ساقيه
ساقنى سوايا طحت فى براما.......واللى يضلا الله من يهديه
بنيت ساسا ميعدت قداما..........ملم باطل مايتبارك فيه
ثاريه جابنى جديد واوهاما.........نتش ندب لى زمان مواريه
جميع امالى لمهن فى لماما.........بدرنى وعقابى للحى عاطيه
مضى عليا ختم باابهاما..........تاجر بغلاى والياس راشيه
زعم رادنى امغير لطن اقساما.......وساوس خلنى مازلت غاويه
مازال يجاوب فى العقل كلاما.......ومازلت على مطراه انحن نبكيه
حتى وهو قاصر بقول سلاما........لوكان يطرب بالجبال نشريه